एजेन्सी : युरोपियन च्याम्पियन्स लिग फुटबलमा पिएसजी बेन्फिकासँग १(१ गोलको बराबरीमा रोकिएको छ। समूह एचअन्तर्गत बुधबार राति भएको खेलमा मेसीले भने कीर्तिमान कायम गरे।
२२औँ मिनेटमा पिएसजीले मेसीको गोलमार्फत खेलमा अग्रता लिएको थियो। नेयमारको पासमा आकर्षक गोल गरेका मेसी च्याम्पियन्स लिगमा फरक ४० क्लबविरुद्ध गोल गर्ने पहिलो खेलाडी बने।
तर ४१औँ मिनेटमा पिएसजीका डानिलो पिरेइराको आत्मघाती गोलमा बेन्फिका खेलमा फर्किएको थियो। बेन्फिकाका गोन्कालो रामोस र डेविड निरेशको प्रहार विफल पार्दै गोलकिपर जियानलुगी डोनारुमाले पिएसजीको संकट टारेका थिए।
पिएसजी तीन खेलमा सात अंकसहित शीर्ष स्थानमा छ। दोस्रो स्थानको बेन्फिकाको पनि समान खेलमा समान सात अंक रहेको छ।
तेस्रो स्थानकोयुभेन्टसको तीन अंक छ भने चौथो स्थानको मकाबी हैफाले खाता खोल्न सकेको छैन। समूह एच कै अर्को खेलमा युभेन्टसले पहिलो जित निकाल्ने क्रममा हैफालाई ३-१ ले पराजित गर्यो।
प्रतिक्रिया दिनुहोस्