सरकारले ल्यायो आगामी वर्षको बजेट १८ खर्ब ६० अर्ब

काठमाडौंं : सरकारले आगामी वर्षका लागि १८ खर्ब ६० अर्ब ३० करोड रुपैयाँ विनियोजन गरेको छ । कूल विनियोजनमध्ये सरकारले चालूतर्फ ११ खर्ब ४० अर्ब ६६ करोड रुपैयाँ विनियोजन गरेको छ ।

यो कूल बजेटको ६१।३१ प्रतिशत हो । विनियोजन कूल बजेटमध्ये पुँजीगततर्फ ३ खर्ब ५२ अर्ब ३५ करोड विनियोजन गरेको छ । यो कूल बजेटको १८।९४ प्रतिशत छ ।

यस्तै वित्तीय व्यवस्थातर्फ ३ खर्ब ६७ अर्ब १८ करोड रुपैयाँ विनियोजन गरेको छ । यो १९।७४ प्रतिशत हो । यो खर्च अनुमान चालू वर्षको तुलनामा ६।२ प्रतिशतले बढी हो । र, संशोधित अनुमानको तुलनामा २१।५६ प्रतिशत बढी हो ।