काठमाडौं : काठमाडौं महानगरपालिकाको मेयर बालेन्द्र साहले सरकारप्रति आक्रोश जनाउँदै काठमाडौंको हितमा काम नगर्ने भए सिंहदरबार सार्न चेतावनी दिएका छन् ।
६ दिनदेखि सिंहदरबार, राष्ट्रपति कार्यालय र प्रधानमन्त्री निवास वालुवाटारको फोहोर उठाउन नदिएका मेयर शाहले बिहीबार सामाजिक सञ्जालमा स्टाटस लेख्दै सिंहदरबार वा संघीय राजधानी जे सारे पनि काठमाडौंवासीलाई कुनै आपत्ति नभएको जनाएका हुन् । मेयर साहको अराजक अभिव्यक्तिले गर्दा वागदबार र सिंहदरबारबीचको दूरी बढेको छ ।
वार्ता गरेर समस्या समाधान गर्नुको साटो अराजक स्टाटस लेखेपछि सरकार वार्ता गर्ने वा नगर्ने भन्ने दोधारमा रहेको छ । चार दिनअघि बसेको मन्त्रिपरिषद्को बैठकले मेयर साहको गतिविधिप्रति असन्तोष जनाएको थियो ।
मन्त्रिपरिषद्को बैठकले फोहोर रोकेर समस्या समाधान हुन नसक्ने भन्दै मेयर साहलाई सचेत गराउने तयारी गरेको थियो । नेपाल समाचारपत्रबाट
प्रतिक्रिया दिनुहोस्