एजेन्सी : भारतीय टिभी अभिनेत्री तुनिषा शर्माले शनिबार आत्महत्या गरेकी छन् । आत्महत्या प्रकरणमा प्रहरीले तुनिषाका सहकलाकार शिजन खानलाई पक्राउ गरेको छ । तुनिषालाई आत्महत्या गर्न दुरुत्साहन गरेको आरोपमा शिजनविरुद्ध मुद्दा दायर गरिएको छ । तुनिषाको परिवारको उजुरीको आधारमा पुलिसले आईपीसीको धारा ३०६ अन्तर्गत मुद्दा दर्ता गरेको छ। शिजनलाई सोमबार अदालतमा पेश गरिने छ ।
![](https://hostkhabar.com/wp-content/uploads/2023/07/IMG_3410.png")
अभिनेत्रीले शनिबार सुटिङ सेटमा झुण्डिएर आत्महत्या गरेपछि उनकी आमाले अभिनेता शिजनमाथि गम्भीर आरोप लगाएकी छन् । शिजनसँग रिसाएर तुनिषाले आत्महत्या गरेको उनले बताएकी छन् । प्रहरीले सेटमा उपस्थित सबैसँग सोधपुछ पनि गरेको थियो ।
घटनास्थलबाट कुनै सुसाइड नोट बरामद भएको छैन । हत्या र आत्महत्या दुवै कोणबाट घटनाको अनुसन्धान भइरहेको प्रहरीले जनाएको छ । २० वर्षीया तुनिषा म्युजिक भिडियो छायांकनको क्रममा आत्महत्या गरेकी थिइन् । मानिसहरूले उनलाई झुण्डिएको देखेर अस्पताल लगे तर बाटोमै उनको मृत्यु भयो ।
आत्महत्याको कारण भने अझै खुल्न सकेको छैन । आत्महत्या गर्नुअघि तुनिषा पूर्णतया सामान्य थिइन् र ५ घण्टाअघि उनले इन्स्टाग्राममा आफ्नो फोटो र केही नोट सेयर गरेकी थिइन् ।
तुनिषाले टिभी शो भारत का ‘वीर पुत्र महाराणा प्रताप’बाट आफ्नो करियर सुरु गरेकी थिइन् । उनी ‘चक्रवर्तिन अशोक सम्राट’, ‘गब्बर पुन्चवाला’, ‘शेर ए पंजाब महाराणा रंजित सिंह’, ‘इन्टरनेट वाला लभ’ र ‘इश्क शुभान अल्लाह’ जस्ता सिरियलहरूमा पनि देखिएकी थिइन् ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्