दार्चुला : व्यास गाउँपालिका— २ तम्बाकुमा भारतीय ढुंगा लागेर एक बालकको मृत्यु भएको छ । भारतको लखिमपुरस्थित लिपुलेक जाने रोड बनाउन चट्टानमा विस्फोट गराउँदा उक्त घटना भएको हो । पहरा फुटाउनका लागि गरिएको सो विस्फोटनका क्रममा भारतीय ढुंगा उछिट्टिएर आई नेपालतर्फ बालकको मृत्यु भएको हो ।
![](https://hostkhabar.com/wp-content/uploads/2023/07/IMG_3410.png")
मृत्यु हुनेमा व्यास गाउँपालिका वडा नम्बर २, दुम्लिङका ९ वर्षीय पवन महरा रहेको जनाइएको छ । उक्त वडाका वडाध्यक्ष धिरनसिँह बुढाथोकीका अनुसार ती बालक शुक्रबार बिहान ९—१० बजेतिर महाकालीवारि किनारमा थि भन्ने ठाउँबाट कल्जुतर्फ आइरहेका थिए । उता महाकालीपारि भारतीय विस्फोटन गराउँदा बालकमाथि ढुंगा लागेको उनको भनाइ छ ।
सीमा क्षेत्रमा भारतले बिनासूचना विस्फोट गराउँदा उक्त घटना हुन पुगेको देखिन्छ । ज्यान गुमाएका बालक उनी दुम्लिङस्थित सर्वहित आधारभूत विद्यालयमा कक्षा ३ मा अध्ययनरत रहेको वडाध्यक्ष बुढाथोकीले बताए । उनी आफ्ना बुवा हिक्मत महराका साथमा घरतर्फ आइरहेका थिए । साथमा हिक्मतकी १४ वर्षीया छोरी सरिना पनि थिइन् । ढुंगा लागेर सरिना घाइते भएकी छिन् ।
तर विनासूचना भारततर्फ गर्ग एण्ड गर्ग कम्पनीले चट्टानी पहरो फुटाउन विस्फोट गराएपछि उनीहरु त्यसको सिकार हुन पुगे । उक्त कम्पनीले भारतको पिथौरागढ जिल्लाको धारचुलाअन्तर्गत तवाघाट–लिपुलेक सडक खण्डको लखनपुर क्षेत्रमा सडकको काम गरिरहेको थियो । विगतमा यसरी विस्फोट गराउँदा सिटी बजाएर सूचना दिने गरिएको थियो, पारि सिटी बजेपछि वारि सबैजना सचेत हुने गर्थे ।
घटनालगत्तै जिल्ला प्रहरी कार्यालय दार्चुलाबाट प्रहरी निरीक्षक राजेश शाहीको नेतृत्वमा टोली खटिएर अनुसन्धान गरिएको थियो । प्रहरीले मृतक बालकको शव शुक्रबार साँझै दार्चुला जिल्ला अस्पताल लगेर पोस्टमार्टम गराएको थियो । घाइते सरिनाको जिल्ला अस्पतालमै उपचार भइरहेको जनाइएको छ ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्