सुर्खेत : नवौं राष्ट्रिय खेलकुदको पुरुष क्रिकेट प्रतियोगिता अन्तर्गत कर्णाली प्रदेशले पहिलो जित निकालेको छ । कीर्तिपुरस्थित टियु मैदानमा कर्णालीले मधेश प्रदेशलाई ३ रनले हराएको हो ।
![](https://hostkhabar.com/wp-content/uploads/2023/07/IMG_3410.png")
कर्णालीले दिएको १ सय १५ रनको लक्ष्यसहित जवाफी ब्याटिङ गरेको मधेसले २० ओभरमा ९ विकेट गुमाएर १ सय ११ रन बनायो । मधेसका लागि हरिशंकर शाहले ४८ रन बनाए । रोहन विकले १० तथा राकेश कामतले अविजित १९ रन बनाए । अन्य ८ ब्याटरले दोहोरो अंकमा समेत रन बनाउन सकेनन् ।
कर्णालीका लागि दिनेश अधिकारीले ३ तथा दिवान पुन र रविन्द्र जंग शाहीले २/२ विकेट लिए । त्यसअघि पहिले ब्याटिङ गरेको कर्णाली प्रदेशले २० ओभरमा अलआउट हुँदै १ सय १४ रन जोडेको थियो ।
उसका लागि विपिन रावलले २४ तथा प्रकनश जैशीले १९ रन बनाए । दिनेश अधिकारीले १५ तथा कप्तान रविन्द्र जंग शाहीले १० रन बनाए । मधेशका आदिल आलमले ५ तथा हरिशंकर शाहले २ विकेट लिए ।
यस जितसँगै कर्णालीले ४ खेलमा ५ अंक जोडेको छ । समूह ‘ए’ मा रहेको कर्णाली दोस्रो स्थानमा उक्लिएको छ । मधेशले ५ खेलमा ३ अंक जोडेको छ । मधेश चौंथो स्थानमा रहेको छ । र मधेस प्रतियोगिताबाट बाहिरिएको छ ।
गण्डकी प्रदेशमा आयोजना हुने नवौं राष्ट्रिय खेलकुद असोज २८ देखि कात्तिक ३ सम्म आयोजना हुनेछ । तर, पुरुष क्रिकेट भने अगाडी नै आयोजना भईरहेको हो ।
प्रतियोगितामा तीन विभागिय,सात प्रदेश तथा एनआरएनको टोली गरी ११ टोलीको सहभागीता रहेको छ ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्