पर्वत । जलजला गाउँपालिकामा संयुक्त गठबन्धनका उम्मेदवारको पक्षमा जनलहर उर्लिएको छ । नेपाली काँग्रेस र नेकपा माओबादीका कार्यकर्ताहरुको व्यापक सहभागिता सहित जलजला ८ नाग्लीवाङमा आज कोणसभा सम्पन्न भएको वडाध्यक्षका उम्मेदवार हरिविकास जिसीले बताउनुभयो ।
![](https://hostkhabar.com/wp-content/uploads/2023/07/IMG_3410.png")
पालिका अध्यक्षका उम्मेदवार राजुप्रसाद आचार्य, उपाध्यक्षका उम्मेदवार दीपक आचार्य, काँग्रेसका नेता विप्लव हमाल लगायत नाग्लीवाङका नेताहरुले कार्यक्रमलाई सम्बोधन गर्नुभयो । अध्यक्षका उम्मेदवार राजु आचार्यले जलजलामा आफ्नो घोषणापत्र अनुसारका काम हुने बताउनुभयो ।
वहकाउ र उत्तेजनामा घोषणापत्र नबनेको बताउँदै जितेपछि घोषणापत्रमा लेखिएका कुराहरु अक्षरस पालना हुने विश्वास दिलाउनुभयो । अघिल्लो पाँच वर्ष अवधिमा आफ्नो पार्टीका नेता यामबहादुर मल्लले शुरु गरेका विकासका कामहरु लाई पनि उत्तिकै ध्यान दिएर अगाडी बढाउने आचार्यले प्रतिबद्धता जनाउनुभयो । जलजला आफैमा प्रचुर संभवना बोकेको गाउँपालिका रहेको भन्दै आचार्यले यसको संभावनालाई अझै उजागर गर्ने काम गरिने बताउनुभयो ।
उपाध्यक्षका उम्मेदवार दीपक आचार्यले गठबन्धनका उम्मेदवार सबैजना सबै पक्षमा सवल, सक्षम र उर्जाशिल रहेकोले मत र मत दुबैमा सफल हुने बताउनुभयो । उहाँले जलजलाको विकासमा नयाँ खाका बोकेर गठबन्धन आएको बताउनुभयो । कार्यक्रममा बोल्ने वक्ताहरुले ९ वडा रहेको जलजलाका सबै उम्मेदवारहरु अत्यधिक मत सहित विजयी हुने विश्वासमा रहेको बताउनुभएको थियो ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्