काठमाण्डौ – नयाँ व्यक्तिगत र वैधानिकीकरणमार्फत श्रम स्वीकृति लिन अब श्रमिक स्वयमले आवश्यक कागजात वैदेशिक रोजगार सूचना व्यवस्थापन प्रणालीमा ( एफइआइएमस) अपलोड गर्न सक्ने व्यवस्था भएको छ ।
![](https://hostkhabar.com/wp-content/uploads/2023/07/IMG_3410.png")
यसअघि व्यक्तिगत नयाँ श्रम स्वीकृति लिन वा वैधानिकीकरण गर्न दूतावासबाट र सम्बन्धित कम्पनीबाट भिसा, करार सम्झौता लगायतका कागजात श्रम कार्यालय ताहाचलमा सिधै पठाउँदै आएकोमा अब भने यस्ता कागजात श्रमिकलाई पठाउन पर्ने र श्रमिकले नै सिस्टममा अपलोड गरी श्रम स्वीकृति लिन सक्ने व्यवस्था भएको हो ।
कतार, यूएई, कुवेत, रोमानिया, पोल्याण्ड, क्रोसिया, माल्दोभा, अल्वनिय, हङ्गेरी, स्लोभाकिया र वेलारुसका लागि नयाँ व्यक्तिगत श्रम स्वीकृति र वैधानिकीकरण गर्न दूतावासबाट र अन्य देशका हकमा कम्पनीबाट करार सम्झौता, भिसा लगायतका कागजात वैदेशिक रोजगार विभाग ताहाचल कार्यालयको इमेल ठेगानामा पठाउनु पर्ने व्यवस्था थियो ।
तर वैशाख २२ अर्थात् आजदेखि भने दूतावास वा कम्पनीले सम्बन्धित श्रमिककै इमेल ठेगानामा यस्ता कागजात पठाउन पर्ने छ । श्रमिकको इमेल ठेगानामा कागजात पठाउँदा कार्यालयको इमेल ठेगाना लभधभिन२ाभय।नयख।लउ मा कपी(सीसी) गर्नु पर्नेछ ।
यसरी इमेलमार्फत प्राप्त भएको कागजात श्रमिकले प्रिन्ट गरी वैदेशिक रोजगार विभागको एफइआइएमसमा अपलोड गरी श्रम स्वीकृतिका लागि आवेदन दिन सकिन्छ ।साभार उज्यालो अनलाईन
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्