काठमाडौं । नेपालको दोश्रो अन्तर्राष्ट्रिय गौतमबुद्ध विमानस्थल आगमी जेठ २ गते बुद्ध पूर्णिमाको दिनदेखि विधिवत रुपमा सञ्चालनमा आउने भएको छ ।हालै निर्माण सम्पन्न सो विमानस्थलमा उडान र अवतरण जाँच्नका लागि नेपाल वायु सेवा निगमको वाइडबडी विमानले सफलतापूर्वक परीक्षण उडान गरेको छ ।
![](https://hostkhabar.com/wp-content/uploads/2023/07/IMG_3410.png")
नेपाल वायु सेवा निगमले नेपालकै दोश्रो ठूलो अन्तर्राष्ट्रिय विमानस्थल गौतमबुद्ध विमानस्थलमा अपेरशनल डेमोन्स्ट्रसन फ्लाइट सफलता पूर्वक सम्पन्न गरेको छ । काठमाडौंदेखि भैरहवासम्मको यात्रा अवधि २७ मिनेटको रहेको सो विमान अवतरणका क्रममा रहदा भैरहवावासीले लाइनवद्ध भई विमान अवतरणको दृश्यावलोकन गरेको थियो ।
पर्यटन तथा नागरिक उड्डयन मन्त्री प्रेम आले स्वयम सहभागी भएको परीक्षण उडानमा गौतमबुद्ध विमानस्थलमा अवतरण गरेपछि कर्मचारी, सुरक्षाकर्मी लगायतले विमान चालक दलका सदस्यसहित सम्बन्धित सहभागीहरुलाई फूलमालाले स्वागत गरेका थियो । दशकौंको प्रयासपछि निर्माण सम्पन्न उक्त विमानस्थलमा पहिलो वाइडबडी ए–३३० उडान गर्न पाउँदा गौरवको महसुस भएको नेपाल वायुसेवा निगमका वरिष्ठ पाइलट श्रवण अर्यालको अनुभव यस्तो छ ।
दशकौंको प्रयासपछि निर्माण पूरा भएको विमानको आगमण कक्षमा गौतम बुद्धको प्रतिमा राखिएको दृश्य सबैको आकर्षणको केन्द्र बनेको थियो । यद्दपी विमानस्थलमा पहिलोपल्ट चेकिङ गर्दा सुरक्षाकर्मी अलमलमा परेका थिए । विमानस्थल निर्माण हुनुमा बहालवालाका साथै पूर्वमन्त्री र कर्मचारीहरुको देन रहेको प्राधिकरणका निर्देशक प्रदीप अधिकारीको भनाइ छ ।नेपालको एकमात्र विमानस्थलबाट यात्रा गर्न बाध्य यात्रुहरुले अब यो विमानस्थल सञ्चालनमा आएसँगै यात्रा सहजीकरणमा दुईमत छैन ।
त्यसैगरी एयर ट्राफिकका कारण लामो समय काठमाडौंको आकाशमा होल्ड हुनुपर्ने विदेशी विमानहरुलाई छोटो दूरीमै गौतमबुद्ध अन्तर्राष्ट्रिय विमानस्थलमा सहज अवतरण गराउन पनि सकिने भएको छ ।साभार ईमेज खबर
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्