जनकपुरधाम : धनुषमा २४ घण्टादेखि हराइरहेकी एक बालिकाको नग्न अवस्थामा शव फेला परेको छ । धनुषाको सबैला नगरपालिका २ कुसमहा सतोखरकी ६ वर्षीया बालिका रेखा यादवको नग्न अवस्थामा शव पानी जमेको खाल्डोमा फेला परेको हो ।
![](https://hostkhabar.com/wp-content/uploads/2023/07/IMG_3410.png")
उनको शव नग्न अवस्थामा स्थानीय सतोखर पोखरी नजिक खाल्डोमा जमेको पानीमा बिहीबार राति ७ बजे फेला परेको हो । कपडा भने छेउमा फालिएको छ । सबैला नगरपालिकाका मेयर कारीराम यादवका अनुसार शवको प्रकृतिले कसैले जवरजस्ती करणी गरेरै मारेर फालेको जस्तो देखिएको छ । योनीबाट रगत पनि बगेकाले बलात्कार गरी हत्या गरेको हुन सक्ने अनुमान स्थानीयको छ । शवको प्रकृतिले घटना शंकास्पद देखिएको धनुषाका प्रहरी उपरीक्षक मित्रबन्धु शर्माले बताए ।
मेयर यादवका अनुसार छिमेकका एकजनाको मटकोरमा बुधबार राति सतोखर पोखरीमा बालिका रथमै चढेर आएकी थिइन् । त्यहाँ रथबाट २।३ जना युवकले उतारेका थिए । सबै घर फर्केपनि बालिका नफर्केपछि उनको खोजविन परिवारजनले गर्दै इलाका प्रहरी कार्यालय सबैलालाई दिएका थिए ।
खोजविनको क्रममा बालिकाके शव खेतमा खनेको खाल्डोमा फेला परेको इलाका प्रहरी कार्यालय सबैलाका प्रहरी निरीक्षक सुन्दर चौलागाईले जानकारी दिए ।
राति नै डगटोलिले घटनास्थलको अनुसन्धान गरेको छ । खाल्डोको पानी सुकाइएर अहिले घटनास्थलको मुचुल्का गरी शव पोस्टमार्टमका लागि प्रादेशिक अस्पताल जनकपुर लगिने प्रहरी निरीक्षक चौलागाइले बताए ।
बालिकालाई रथबाट उतार्ने सन्दिग्ध दुईजना युवकलाई प्रहरीले पक्राउ समेत गरेर अनुसन्धान गरिरहेको जनाएको छ । नाम भने उनीहरुको प्रहरीले सार्वजनिक गरेको छैन ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्