काठमाडौं : उत्तरी गोरखाको मनास्लु हिमालमा गत सोमबारदेखि बेपत्ता भएकी विश्वविख्यात स्की आरोही हिलारी नेल्सन बुधबार बिहान मृत फेला परिन् ।
![](https://hostkhabar.com/wp-content/uploads/2023/07/IMG_3410.png")
अमेरिकाको सियाटलमा जन्मिएकी हिलारीलाई सन् २०१८ मा नेशनल जोग्राफिले साहसी खेलाडीको सूचीमा राखेको थियो । ४९ वर्षीया नेल्सन २४ घण्टामा विश्वको सर्वोच्च शिखर सगरमाथा र ल्होल्से हिमाल आरोहण गर्ने पहिलो महिला पनि हुन् ।
सम्बन्धित समाचार।।।
दुई दशक लामो करियरमा उनले १६ विभिन्न देशका ४० साहसिक टोलीसँग दर्जनौं हिमाल आरोहण गरेकी थिइन् । तर धेरै सफलता भने उनले नेपाल र यहाँका हिमालमा नै पाइन् ।
सन् २०१२ मा उनले विश्वको सर्वोच्च शिखर सगरमाथा आरोहण गरेकी थिइन् भने २०१८ मा विश्वको चौथो अग्लो शिखर ल्होल्सेमा नेल्सनको जोडीले स्की खेलेको थियो । उनको साहसबाट प्रभावित भएर द नर्थ फेसले उनलाई प्रायोजन गरेको थियो ।
२०१८ मै उनले द नेसनल जियोग्राफिक एडभेन्चरर अव द इएरको पुरस्कार जितेकी थिइन् । मकालु हिमाल पनि उनले साहसिक खेल प्रदर्शन गरिसकेकी छन् ।
नेपालबाहेक विश्वकै कठिन मानिने भारतको पापुर्सा हिमालमा पनि उनले स्की खेलेकी छन् । सन् २००५ मा उनले चोयु हिमालको चुचुरोबाट स्की गरेकी थिइन् । उनले अमेरिकाको डेनेली, बबल फन कलरको आरोहण गरेकी छन् । यस्तै तिब्बतको चो ओयो पनि उनले कीर्तिमान बनाएको हिमाल हो ।
१९९६ मा युरोपेली महिला साहसिक स्की खेलाडीको उपाधी जितेकी उनी दुइ सन्तानकी आमा हुन् । आमा बनेपछि पनि उनको बलियो इच्छाशक्तिले धेरै कीर्तिमान बनाउने संकल्प गरेकी थिइन् । त्यही क्रममा उनी नेपाल आएकी हुन् । तर उनको यात्रा अब टुंगिए पनि विश्वमै सधैं सम्झिरहने छाप भने छोडेकी छन् ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्