सुर्खेत : कर्णाली प्रदेशमा वर्षेनी सवारी दुर्घटनाहरु बढ्दै गएको पाइएको छ । प्रदेश ट्राफिक प्रहरी कार्यालय कर्णाली प्रदेशको तथ्यांकअनुसार तीन वर्षको अवधिमा ९ सय २९ वटा दुर्घटना भएका छन् । कार्यालयको तथ्यांक अनुसार २०७६/०७७ मा दुई सय ३६, २०७७/०७८ मा २९१ र २०७८/०७९ मा यो संख्या बढेर चार सय दुई पुगेको छ ।
![](https://hostkhabar.com/wp-content/uploads/2023/07/IMG_3410.png")
यसरी बढी दुर्घटना हुने सवारी साधनमध्ये मोटरसाईकल अगाडि देखिएको छ । त्यसैगरी ट्रक, बस र जिप तथा अटो रहेको कार्यालयले जनाएको छ । सबैभन्दा बढी दुर्घटनाको कारण भने तीव्र गति तथा यान्त्रिक, ट्राफिक नियम उल्लंघन, सडकको अवस्था र लापरवाहीको कारणहरु देखिएको प्रदेश ट्राफिक कार्यालयका प्रमुख भुवनेश्वर तिवारीले जानकारी दिए । त्यसैगरी यहाँका साँघुरा सडकका कारण पनि दुर्घटनाको प्रमुख कारण बनेको पाइन्छ ।
यस अवधिमा सवारी दुर्घटनाका कारण कर्णालीका झण्डै चार सय कर्णालीवासीले ज्यान गुमाएका छन्। प्रदेश ट्राफिक प्रहरी कार्यालयका अनुसार पछिल्लो तीन वर्षको अवधिमा तीन सय ९२ जनाले ज्यान गुमाएका छन् । जसमा दुई सय ६८ जना पुरुष र ७७ जना महिला रहेका छन् भने २५ बालक र चार बालिकाले ज्यान गुमाएका छन्।
प्रदेशको ट्राफिक व्यवस्थापनलाई अझ प्रभावकारी बनाउनुपर्ने तिवारीको भनाई छ । त्यसैगरी ट्राफिक सचेतनात्मक कार्यक्रमहरुलाई नियमित प्रभावकारी बनाउनुपर्ने उनको भनाइ छ ।
![](https://hostkhabar.com/wp-content/uploads/2023/07/75575C8E-23F0-4247-8E15-583FC61034A6.jpeg)
![](https://hostkhabar.com/wp-content/uploads/2024/07/birendranagar.jpg)
![](https://hostkhabar.com/wp-content/uploads/2024/07/samajik-bikas-mantralaya.jpg)
![](https://hostkhabar.com/wp-content/uploads/2023/07/IMG_3389.jpeg)
![](https://hostkhabar.com/wp-content/uploads/2024/07/bheriganga1.jpg")
![](https://hostkhabar.com/wp-content/uploads/2023/07/C8407B6D-1349-4F3E-B9DF-1C51A9F97C88.jpeg)
![](https://hostkhabar.com/wp-content/uploads/2024/07/lekhbesi.jpg)
![](https://hostkhabar.com/wp-content/uploads/2024/07/gurbhakot.jpg")
![](https://hostkhabar.com/wp-content/uploads/2024/07/12CE903B-2DFE-4D78-89F9-8B93CDF19311.jpeg)
प्रतिक्रिया दिनुहोस्